The Order of CONFIRMATION,
or the laying on of hands upon those that are baptised, and come to years of discretion

Upon the day appointed, all that are to be then Confirmed, being placed and standing in order before the Bishop, he (or some other Minister appointed by him) shall read this Preface following.

DY vod dy chooilley unnane ta goll fo laue Aspick, tushtey share 've oc cre ta lhie liorish, ta'n Agglish er smooinaghtyn cooie dy oardaghey, Nagh bee laueyn er nyn goyrt er unnane erbee ny lurg shoh, agh lheid as oddys gra yn Chrea, Padjer y Chiarn, as ny jeih Annaghyn; [409] as oddys myrgeddin freggyrt gys lheid ny Questionyn elley as ta soit magh ayns Catechism giare ny Killagh: Yn oardagh cheddin ta feer chooie dy ve freilt seose, dy vod cloan, lurg daue v'er jeet gys eash, keeal, as tushtey, as er n'ynsaghey cre ghiall nyn Ghedjaghyn as nyn Mimmaghyn er nyn son ayns Bashtey, lesh nyn meeal as nyn aigney hene yn chooid cheddin dy foshlit y hoilshaghey as y hickyraghey kiongoyrt rish yn Agglish, as gialdyn myrgeddin, liorish grayse Yee, dy jean ad kinjagh nyn baart dy reayll dy firrinagh lheid ny reddyn as t'ad liorish y ghoaill-rish oc hene er ghoaill orroo dy chooilleeney.

Then shall the Bishop say,

VEL shiu ayns shoh ayns fenish Yee, as y cheshaght shoh, jannoo ass-y-noa yn gialdyn as y breearrey casherick va jeant ayns yn ennym eu ec nyn Mashtey; goaill erriu as shassoo gys y breearrey cheddin ayns ny persoonyn eu hene, as goaill-rish dy vel shiu kianlt dy chredjal, as dy yannoo ooilley ny reddyn shen ghow nyn Ghedjaghyn as nyn Mimmaghyn ayns laue er nyn son.

And every one shall audibly answer,

Ta mee.

The Bishop. TA'N cooney ain ayns Ennym y Chiarn;
Ans. Ta er chroo niau as thalloo.
Bishop. Bannit dy row Ennym y Chiarn; [410]
Ans. Veih shoh mayh, seihll gyn jerrey.
Bishop. Hiarn, clasht rish nyn badjeryn.
Ans. As lhig da'n accan ain cheet hoods.
Bishop. Lhig dooin padjer y ghoaill.

YEE, Ooilley-niartal as dy bragh bio, dty aigney mie ve dy yannoo ass-y-noa ad shoh dty harvaantyn liorish ushtey as y Spyrryd Noo, as t'ou er leih daue ooilley nyn beccaghyn; Niartee ad, ta shin guee ort, O Hiarn, lesh y Spyrryd Noo Fer- ny-gherjagh, as bishee ayndoo gagh-laa dty ymmodee giootyn dy ghrayse; yn spyrryd dy chreenaght as dy hoiggal; yn spyrryd dy choyrle as dy niart flaunyssagh; yn spyrryd dy hushtey as dy chraueeaght firrinagh; as lhieen ad, O Hiarn, lesh spyrryd dty aggle casherick, nish as er son dy bragh. Amen.

Then all of them in order kneeling before the Bishop, he shall lay his hand upon the head of every one severally, saying,

FREILL, O Hiarn, eh shoh dty lhiannoo [ny shoh dty harvaant] lesh dty ghrayse flaunyssagh, dy vod eh ve lhiats son dy bragh: as bishaghey gagh-laa ayns dty Spyrryd Casherick ny smoo as ny smoo, derrey hig eh gys dty reeriaght dy bragh farraghtyn. Amen. [411]

Then shall the Bishop say,
Yn Chiarn dy row mriu.
Ans. As marish dty Spyrryd.

And (all kneeling down) the Bishop shall add,

Lhig dooin padjer y ghoaill.
AYR ain t'ayns niau; Casherick dy row dty Ennym. Dy jig dty reeriaght. Dt'aigney dy row jeant er y thalloo, myr te ayns niau. Cur dooin nyn arran jiu as gagh laa. As leih dooin nyn loghtyn, myr ta shin leih dauesyn ta jannoo loghtyn nyn 'o. As ny leeid shin ayns miolagh; Agh livrey shin veih olk. Amen.

And this Collect.
YEE Ooilley-niartal as dy bragh farraghtyn, ta cur dooin pooar dy smooinaghtyn as dy yannoo ny reddyn shen ta mie as booisal gys dty Ard-ooashley flaunyssagh; Ta shin jannoo nyn aghinyn imlee hood's son ad shoh dty harvaantyn, orroo (lurg samble dty Ostyllyn casherick) ta shin nish er choyrt nyn laueyn, dy chur shickyrys daue (liorish y cowrey shoh) jeh dty oayr as dty vieys ghraysoil, Lhig da dty laue ayroil, ta shin guee ort, ve dy bragh harrystoo; lhig da dty Spyrryd Casherick ve dy bragh mroo; as myr shen jean ad y leeideil ayns tushtey as biallys gys dty Ghoo, dy Yod ad ec y jerrey yn vea dy bragh farraghtyn y gheddyn, trooid nyn Jiarn Yeesey Creest, ta mayrts as y Spyrryd Noo bio as reill, dy bragh un Jee, seihll gyn jerrey. Amen. [412]

O HIARN Ooilley-niartal, as Yee dy bragh farraghtyn, dy gooidsave lhiat, ta shin guee ort, dy leeideil, dy chasherickey, as dy reill, chammah ny creeaghyn as ny kirp ain ayns raaidyn dty leighyn, as ayns obbraghyn dty annaghyn; trooid dty choadey smoo niartal, chammah nish as dy bragh, dy vod mayd v'er nyn, vreayll ayns corp as annym, trooid nyn Jiarn as Saualtagh Yeesey Creest. Amen.

Then the Bishop shall bless them, saying thus,

BANNAGHT Yee Ooilley-niartal, yn Ayr, y Vac, as Spyrryd Noo, dy row erriu, as dy hannaghtyn mriu son dy bragh. Amen.

And there shall be none admitted to the holy Communion, until such time as he be Confirmed, or be ready and desirous to be Confirmed.